Kryetari i KQZ, Ilirjan Celibashi, ka folur pas takimit që pati me ambasadoren Yuri Kim, ku të pranishëm kanë qenë Monika Kryemadhi, Jorida Tabaku dhe Damian Gjiknuri. Celibashki është shprehur se Kim përcolli shqetësimin e SHBA-ve në lidhje me financimet e huaja të politikës shqiptare në mënyrë specifike atyre ruse. Ai tha se ka nevojë për përmirësim të kuadrit ligjor në mënyrë që KQZ të ketë mundësi më të thella hetimi lidhur me sasinë e parave që marrin partitë politike
“Besoj se përfaqësuesit e partive ua bënë të qartë se çfarë u diskutua. Kim përcolli shqetësimin e SHBA-ve në lidhje me financimet e huaja të politikës shqiptare në mënyrë specifike atyre ruse. Në informacionet e fundit që ata zotërojnë përcollën këtë shqetësim tek përfaqësuesit politikë shqiptarë me qëllim që të rrisin vëmendjen dhe të bëjnë më mirë me qëllim që financimet e huaja të mos kenë ndikim në politikën shqiptare. Ajo që mund të them është se ka nevojë për përmirësim të kuadrit ligjor në mënyrë që KQZ të ketë mundësi më të thella hetimi lidhur me sasinë e parave që marrin partitë politike dhe si përdoren këto para” – u shpreh Ilirjan Celibashi.
Discussion about this post