Kryekomisioneri Ilirjan Celibashi refuzoi kërkesën e grupit Alibeaj, për tu regjistruar në lolaket e ardhshme si Partia Demokratike.
Pas vendimit, reagoi Gazmend Bardhi dhe Enkelejd Alibeaj, duke hedhur akuza ndaj Celibashit.
Ndërkohë vetë kreu i KQZ, iu përgjigj dyshes në fjalë, duke u ndalur veçanërisht te akuzat e deputetit Gazment Bardhi dhe tha se gjuha e përdorur është e pa tolerueshme.
“Në çdo pikëpamje nuk jam i shantazhueshëm dhe kam dedikimin profesional për të respektuar ligjin. Zbatimi i ligjit dhe korrektësia në zbatimin e saj ka qenë shtylla kurrizore e punës sime. Më vjen keq që zoti Bardhi e sheh të pabazuar vendimin tim. Gjuha e përdorur e pa tolerueshme. Nuk i bën nder figurës së tij. Nuk e gjen asgjë të thotë vlerësojmë se një vendim i tillë nuk është marrë në përputhje me kodin dhe kjo do ishte e mjaftueshme”, tha Celibashi në një konferencë për mediat.
Discussion about this post