Këngëtarja e njohur Celine Dion del pas tre vitesh e gjysmë në publik, kjo si pasojë e një sëmundje të rrallë.
Daljen në publik pas kaq shumë kohësh ajo vendosi ta bëjë në një lojë hokej në T-Mobile Arena mes Vegas Golden Knights dhe ekipit të vendlindjes së saj, Montreal Canadiens.
Këngëtarja vuan nga “Sindroma e personit të ngurtë” e cila ia ka pamundësuar asaj aktivitetet e saj në publik, shkruan lajmi.net.
Celine Dion e shoqëruan djemtë saj, Rene-Charles dhe binjakët Nelson dhe Eddie në daljen e saj publike pas tre vitesh e gjysmë.
Këngëtarja e njoftoi publikun për sëmundjen e saj në fund të vitit 2022 dhe e la karrierën e saj për tu fokusuar tek shëndeti.
Sindroma e Personit të ngurtë (SPS) është një çrregullim i rrallë neurologjik me tipare të një sëmundjeje autoimune e cila prek dy herë më shumë femrat se meshkujt.
Discussion about this post