Deputetja e Partisë Demokratike, Grida Duma, është shprehur se hapja e negociatave e gjeti Shqipërinë të papërgatitur. Me anë të një postimi në rrjetin e saj social ‘Facebook’, ajo deklaroi se e gjejnë Shqipërinë me shpresë të fikur dhe pa asnjë motor pune dhe motivimi të ndezur. “Hapja e negociatave të Shqipërisë me Bashkimin Europian, pas kaq vitesh shpresash të zhgënjyera, më në fund është, një lajm i vërtetë. Më në fund, dhe pas kaq shumë vitesh vonese, një lajm i madh dhe kaq shumë i vonuar. Shqiptarët me të drejtë nuk e gjejnë sot në këtë realitet shpresën që do të duhet të kishin. Shqiptarët shpresuan t’u hapeshin negociatat 8 vjet më parë, 7 vjet më parë, 6 vjet më parë, 5 vjet më parë e me radhë”, shkruan ajo.
Grida Duma shkruan se shqiptarët u gënjyen me vitet e pritjes nga një qeveri që nuk ngurronte të driblonte duke provokuar me një plan B për Shqipërinë, pra jo vetëm atë europian. “Shqiptarët u gënjyen me vitet e pritjes nga një qeveri që nuk ngurronte të driblonte duke provokuar me një plan B për Shqipërinë, pra jo vetëm atë europian. Negociatat sot u hapën, e ndonëse është ky një hap i rëndësishëm, ato e gjejnë Shqipërinë me shpresë të fikur dhe pa asnjë ‘motor’ pune e motivimi të ndezur. Qeverisja Rama humbi 1/3 e kohës së historisë se tranzicionit shqiptar duke fajësuar Europën, për çfarë bënte keq vetë! Ka punë për të bërë, por si do mundet ta kryeje proçesin serioz të plotësimit të detyrave ndaj BE një qeveri që e ka dhene me konçension vetë qeverisjen”, shprehet ajo.
Discussion about this post