Këngëtari shumë i dashur për publikun, Flor Mumajesi, ka habitur me postimet e bëra së fundmi në rrjetet sociale. Ai ka njoftuar se tashmë disa nga kengët e tij më të vyera janë fshirë nga YouTube dhe se nuk do të jenë më as ne Spotify.
I zhgënjyer, Flori u shpreh se muzika e tij ka vdekur, por nuk e kemi ngushelluar, gjë që solli reagime të shumta nga publiku, kryesisht mbështetëse ndaj këngëtarit.
Flori Mumajesi fshin këngët e tij: Muzika ime ka vdekur, por s’e keni ngushëlluar
Për këtë çështje ka folur ditën e sotme edhe CEO i Acromax, Aldor Nini në emisionin “Breaking”.
“Nga ajo që kemi verifikuar, këngët e Florit nuk janë fshirë, sepse po të ishin fshirë është një porces që nuk të lejon ti kthesh prapë. Në rastin e Florit, këngët janë kaluar në privat, kemi gjetur linqet në bazë të publikimeve që ka bërë Flori në Twitter, dhe këngët rezultojnë private me qëllim”- tha ai.
Ndër të tjera CEO i “Acromax”, u shpreh se e gjithë kjo situatë e krijuar do të reflektohet në klikime për Flori Mumajesin.
“Këngët e Florit, në momentin kur publikohen, gjenerojnë shumicën e klikimeve, por artistë si Flori kanë një vazhdimësi klikimesh. Nuk mendoj se ka të drejtë më atë që thotë që këngët e tij nuk dëgjohen më. Po të shikosh në Spotify ka mjaftueshëm dëgjues mujorë, që dëgjojnë edhe këngët e vjetra të tij. Kjo gjë që ndodhi do të ketë ndikim edhe në javët e ardhshme do të ketë rritje të klikimeve. Nuk mendoj se është marketing nga Flori”- përfundoi Nini.
Discussion about this post