CEO i Pfizer, Albert Bourla, të hënën tha se një vaksinë që synon variantin Omikron të Covid-19 do të jetë gati në mars dhe kompania tashmë ka filluar prodhimin e dozave.
“Kjo vaksinë do të jetë gati në mars,” tha Bourla për. “Ne kemi filluar tashmë prodhimin e disa prej këtyre sasive.”
Bourla tha se vaksina do të synojë gjithashtu ‘luftimin’ e varianteve të tjera që qarkullojnë. Ai tha se ende nuk është e qartë nëse nevojitet apo jo një vaksinë Omicron ose si do të përdoret, por Pfizer do të ketë disa doza gati pasi disa vende e duan atë gati sa më shpejt të jetë e mundur.
“Shpresa është që ne do të arrijmë diçka që do të ketë mënyrë, një mbrojtje më të mirë veçanërisht kundër infeksioneve, sepse mbrojtja kundër shtrimeve në spital dhe sëmundjes së rëndë, është e arsyeshme tani, me vaksinat aktuale për sa kohë që ju keni le të themi doza e tretë”, tha Bourla.
Të dhënat nga Mbretëria e Bashkuar kanë treguar se vaksinat e Pfizer dhe Moderna janë rreth 10% efektive në parandalimin e infeksionit simptomatik nga Omicron 20 javë pas dozës së dytë, sipas studimit nga Agjencia e Sigurisë Shëndetësore në Mbretërinë e Bashkuar. Megjithatë, dy dozat origjinale ende ofrojnë mbrojtje të mirë kundër sëmundjeve të rënda, zbuloi studimi. Sipas studimit, vaksinat përforcuese janë deri në 75% efektive në parandalimin e infeksionit simptomatik.
Discussion about this post