Kryeministri Edi Rama dhe presidenti Ilir Meta ndodhen në Vlorë, ku kanë marrë pjesë në ceremoninë e ngritjes së Flamurit kombëtar me rastin e 109-vjetorin e pavarësisë.
Së bashku me kryetaren e Kuvendit, Lindita Nikollën, kryetarin e Bashkisë së Vlorës, Dritan Lelin dhe presidentin e vendit, Ilir Metën, Rama ka kryer ritet e kësaj ceremonie, për pavarësinë e vendit.
Çfarë bie në sy është distanca e Ramës me Lelin për të cilin kryeministri nuk i ka kursyer kritikat sa herë ndodhet në Vlorë ose në takime me të ndryshme, konflikt i cili nisi që në zgjedhjet e 25 prillit ku Leli refuzoi të kandidonte në listat e deputetëve.
Nga ana tjetër, në ceremoni ka qenë i pranishëm dhe presidenti Meta, ku duhet thënë që kohët e fundit të dy i kanë ndaluar sulmet ndaj njëri-tjetrin, pasi presidenti është i fokusuar tek konflikti në PD dhe përplasjet me kryedemokratin Lulzim Basha.
Ndërkohë kujtojmë se shqiptarët këtë të dielë festojnë 109 vjetorin e krijimit të shtetit shqiptar, ku në 28 nëntor të 1912 është ngritur Flamuri në Vlorë nga Ismail Qemali.
Discussion about this post