Presidenti i zgjedhur Bajram Begaj ka mbërritur pak minuta më parë në Kuvend ku do të bëhet ceremonia e betimit të tij, si kreu i ri i shtetit.
Ai është shoqëruar nga bashkëshortja e tij dhe fëmijët ndërsa është pritur nga kryeparlamentarja Lindita Nikolla.
Seanca do të nisë në orën 18:00 në parlament ndërkohë që të pranishëm do të jenë përfaqësuesit e maxhorancës, ata të grupit të PD të drejtuar nga Enkelejd Alibeaj dhe përfaqësues të selive diplomatike në vendin tonë.
Nga ana tjetër deputetët e Rithemelimit të drejtuar nga Sali Berisha kanë vendosur ta bojkotojnë këtë seancë.
Pas betimit në Kuvend, Begaj do të drejtohet drejt presidencës ku do të mbahet edhe ceremonia shtetërore.
Discussion about this post