Mbrëmjen e sotme në “Theatre du Châtelet”, në Paris do të mësojmë se cili do të jetë fituesi i trofeut të “Topit të Artë”.
Fituesi i fundit i këtij trofeu është Lionel Messi për sezonin 2021-2022. Ceremonia e dhënies së këtij çmimi është parashikuar të nisë në orën 20:00 me orën lokale në Paris (Tiranë) dhe natyrisht që ky edicion ka ngjallur mjaft kureshtje.
Kjo pasi fituesi i edicionit të kaluar dhe rekordmeni i trofeve, Lionel Mesi (7) ka mbetur jashtë listës së 30 kandidatëve potencialë për të fituar. Ndërkaq, kandidati kryesor për të fituar “Topin e Artë” për sezonin 2021-2022 është sulmuesi i Realit të Madridit, Karim Benzema.
Me ndryshimin edhe të rregullave të votimit, suksesi për francezin bëhet gjithnjë e më i afërt. Ai ka qenë i jashtëzakonshëm me Madridin në sezonin që lamë pas, duke udhëhequr ekipin e tij me 42 gola në një sukses të trefishtë. Gjithçka nisi me Superkupën e Spanjës në janar për të vijuar me titullin në La Liga dhe e kurorëzuar me qershinë mbi tortë, Ligën e Kampioneve.
Prej ditësh ka qarkulluar një listë me fituesin, ku Benzema është ia padiskutueshëm. Në listën e pretendentëve janë 6 lojtarë të Realit, 6 të Liverpulit dhe 6 të Mançester Sitit. Ndërkohë, vetë UEFA e ka përgëzuar francezin para kohe, duke e cilësuar si të fituar trofeun prej tij.
Discussion about this post