Mbrëmjen e së hënës është mbajtur edhe ceremonia e “Topit të Artë”, ku Karim Benzema ka rrëmbyer trofeun individual, duke u shpallur kështu si lojtari më i mirë i sezonit 2021-2022.
Në këtë mbrëmje edhe Lewandowski arriti të fitonte një tjetër çmim, atë të “Muller” si sulmuesi më i mirë i sezonit të kaluar duke kombinuar golat për klubin dhe vendin.
Polaku e mbylli vitin kalendarik me 69 gola, ku 58 për Bayern Munich dhe 11 për Poloninë.
Dhe gjatë fjalimit të tij, Didier Drogba iu referua formës së jashtëzakonshme të golave të Erling Haaland në Manchester City.
“E dini, ky fëmijë… ai është në zjarr, miku im”, deklaroi ai ndërsa Lewandowski ishte në skenë.
Kamera iu drejtua bashkëlojtarit të Haalandit, Kevin De Bruyne dhe Benzemas, të cilët të dy e shikonin me turp.
Polaku u duk se belbëzoi përpara se të përgjigjej: “Sezoni është shumë i gjatë”.
Komenti i Drogbas për Haalandin nuk shkoi mirë në mediat sociale pasi fansat besojnë se legjenda e Chelseat shpërfilli Lewandowskin.
“Kjo është kaq e turpshme, imagjinoni të jeni të ftuar në një ngjarje për një çmim dhe duhet të flisni për një lojtar tjetër.
Kjo ishte kaq mosrespektuese.
Çdo vit Lewa nuk respektohet.
Reagimi i De Bruynes i thotë të gjitha”, janë disa nga komentet që kanë bërë tifozët në rrjetet sociale.
Big boy Drogba interrupting Lewandowski during his speech to praise Haaland is insane levels. Lewa face says it all. There’s a new kid on the block and he’s taking ALL the plaudits. pic.twitter.com/WQtqC243gE
— DSK (@0161Darren) October 18, 2022
Lewandowski vazhdoi fjalimin e tij pas pretendimit të Drogbas, duke shpjeguar se sa i lumtur është te Barcelona.
Discussion about this post