Ceremoninë e më të mirëve të vitit të FIFA-s, ja favoritët (VIDEO)

në Sport

Kohë leximi: 2 min

FIFA do t’i zgjedhë sonte më të mirët e vitit 2023 përmes një gala mbrëmjeje që do ta mbajë në Londër.

Ceremonia e “The Best FIFA Football Awards” ka nisur në ora 20:20.

Lionel Messi është në listën e ngushtë për të fituar çmimin e më të mirit edhe për këtë vit, bashkë me Erling Haaland dhe Kylian Mbappe.

Por, favorit është norvegjezi Erling Haaland, i cili u shpall golashënuesi më i mirë i sezonit të kaluar në Premier League dhe triumfoi në Champions League.

Me interes pritet se kush do vlerësohet si trajneri më i mirë. Në garë janë Simone Inzaghi, Luciano Spalletti dhe Pep Guardiola. Yassine Bounou, Thibaut Courtois dhe Ederson “luftojnë” në distancë për portierin më të mirë.

Por, sipas “Record”, ylli argjentinas nuk do të jetë prezent sonte në Londër.

Messi thuhet se ka vendosur për të qëndruar në Florida, për t’u përgatitur për ndeshjen e Inter Miamit ndaj Kombëtares së El Salvadorit, që do të zhvillohet të premten.

36-vjeçari e kishte fituar çmimin e më të mirit vitin e kaluar, pasi kishte udhëhequr Argjentinën drejt shpalljes si kampione e botës.

Erling Haaland vlerësohet të jetë favoriti për ta rrëmbyer këtë çmim sonte.