Një 31-vjeçar është arrestuar në Cërrik pasi ka plagosur me thikë fqinjin e tij.
Policia bën me dije se ngjarja ka ndodhur rreth orës 03:05 gjatë një konflikti për motive të dobëta. 31-vjeçari B. Sh., ka plagosur me mjet prerës (thikë) fqinjin e tij, shtetasin B. Dh., 44 vjeç, i cili ndodhet jashtë rrezikut për jetën.
Në përfundim të veprimeve, shtetasi B. Sh. u arrestua në flagrancë nga policia për veprën penale “Plagosja e rëndë me dashje”.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
