Pas vendimit që mori BE ditën e sotme, duke miratuar certifikatën dixhitale të vaksinimit për Shqipërinë dhe 6 vende të tjera jo anëtare, ka reaguar kryeministri Edi Rama.
Rama në statusin e tij në facebook shprehet i lumtur për këtë vendim duke e konsideruar si një “super lajm”. Ai gjithashtu thotë se shqiptarët tashmë mund të lëvizin lirisht në Evropë me pasaportën digjitale të vaksinimit.
“Shqiptarët të lirë të lëvizin lirisht në Europë me pasaportën digjitale të vaksinimit. BE aprovon Shqipërinë, Izraelin dhe Marokun, duke dhënë edhe një shembull kuptimplotë të progresit tonë digjital, për të gjithë ata që dëshirojnë t’u gëzohen edhe arritjeve, përveçse të shohin vetëm të këqia deri edhe ku nuk ka” – shkruan Rama.
Megjithatë shqiptarët i kanë kujtuar Ramës në komente se kjo BE pranon vetëm ata persona që kanë bërë vaksinën “Pfizer”, “Astra-Zenka”, “Moderna” dhe “Johnson and Johnson”, ndërsa ata që kanë bërë vaksinën Kineze “Sinovac” dhe vaksinën Ruse “Sputnik-V” nuk do mund të pranohen, pasi BE nuk i njeh si vaksina.
Shqipëria është një nga vendet që ka përdor masivisht vaksinat “Sinovac” dhe “Sputnik-V”, që do të thotë se për shumë qytetarë shqiptarë ky vendim është nul.
Gijotina.com
