Në emisionin “Opinion”, deputeti i Partisë Demokratike, Ervin Salianji deklaroi në se ai do të pranojë çdo lloj vendimmarrje nga ana e gjykatës dhe nuk do t’i ikë asnjë vendimi, qoftë ky edhe për burgosjen e tij. I pyetur lidhur me këtë argument, Salianji tha se ka bërë një denoncim që i ka sjellë shoqërisë shqiptare benefit.
“Shoqëria shqiptare ka investuar në një reformë në drejtësi për të çuar para drejtësisë njerëz që kanë administruar pushtet. Unë kam bërë denoncim, një denoncim që i ka sjellë shoqërisë shqiptare benefit. Ditën që unë bërë denoncim ai person u fut në burg. Që të bësh inskenim duhet ti njohësh njerëzit. Unë pa pasur instrumente kam gjetur si jepte para ish drejtori i policisë të Fierit, ky që u kap në Elbasan si i jepte para një llumi. Si mund të inskenohet me këta, unë nuk i njoh. Çdo lloj vendimmarrje, pavarësisht besimit të cenuar apo pabesueshmërisë së institucioneve, nëse ka çmenduri dhe thonë që për të thënë që për denoncim publik në vitin 2022 do të shkosh në burg për agjitacion dhe propagandë, pa diskutim që do të bëj atë që ju thoni” – tha Salianji.
Kujtojmë se deputeti Salianji është duke u përballur në gjykatë për të ashtuquajturën çështja “Babale”.
Discussion about this post