Ish-kandidatja e LSI, Briseida Shehaj, ka folur sot për herë të parë rreth çështjes “Becchetit”. Përmes një interviste televizive ajo tha se, si drejtoreshë e tatimev asaj kohe ka vënë në dukje abuzimet që bëheshin, por gjithashtu hodhi disa akuza të forta ndaj kryebashkiakut Erion Veliaj. Sipas saj, Shqipëria u dënua vetëm për mesazhet që bënte Veliaj, si dhe me takimet e fshehta që bënte Damian Gjiknuri me zotin Becchetti.
“Kur është bërë dosja “Becchetti” unë kam qenë drejtoresha e tatimeve. Sot në arbitrazh në atë vendim nuk është rrëzuar asnjë nga pikat tona. Ne faktuam evazionin që bëhej. Ne jemi dënuar për mesazhet e lali Erit dhe për takimet që bënte sekretari i përgjithshëm i kryeministrit dhe i thoshte “Becchettit” në tavolinë:Dëgjo vëlla shko zgjidhe ti me kundërshtarin”, u shpreh ajo.
Më tej ajo tregon se, në Shqipëri ka një djalë të dënuar, pasi ky i fundit mori përsipër fajin se ka falsifikuar letrat, përsa i përket investimit që do bëhej në Kalivaç asaj kohe. Sipas saj, letrat që bëri, Damian Gjiknuri dhe Ministria e asaj kohe bën që ky i dënuar të merrte të njëjtën vlerë si Becchetti. Shehaj tha se gjithçka erdhi në këtë pikë për shkak të abuzimeve dhe manipulimeve të bëra nga Gjiknuri, Veliaj dhe shokët e tyre.
“U mblodhëm institucionet, AKBN dhe institucionet në varësi të Gjiknurit dhe panë se ‘Kalivaçi’ nuk ishte investimi real. Në Shqipëri ka një djalë të dënuar që ka pranuar fajin se ka falsifikuar letrat. Atë dosje e ka pasur një prokurore që quhej Antoneta Sevdari. Trupi i kësaj reforme në drejtësi është përjashtimi i asaj zonje. Na e merr shtetit Kalivaçin dhe do e nxirrte. Ministria e Energjitikës asokohe nxori ekspert të pavarur për të bërë vlerësimin e asetit, të njëjtën eksperte të çështjes Becchetti. Instancat që ishin në varësi të Gjiknurit, Administrata, prokuroria dëshmitari që tregoi të gjithë letrat e pa që ai investimi nuk ishte aq lekë sa thuhej. Letrat që bëri Gjiknuri dhe Ministria e asaj kohe i dha të njëjtën vlerë që kishte dhënë në letra Becchetti”, u shpreh ajo.
Kujtojmë se për se doli e humbur në gjykatën e Arbitrazhit, Shqipëria do detyrohet të paguaj 110 milionë euro për çështjen “Becchetti”.
Discussion about this post