GJKKO ka shtyrë për në datën 5 mars ditën kur do të shpallë vendimin për Fredi Belerin, kryebashkiakun e zgjedhur të Himarës, i cili u arrestua më 12 maj me akuzën e blerjes së votave.
GJKKO do të japë vendimin pasi pala mbrojtëse të japë argumentet e saj. Avokati i Fredi Belerit e konsideroi procesin si politik dhe akuzoi SPAK për paraqitjen e provave të montuara.
SPAK e akuzon Belerin për korrupsion aktiv në zgjedhje, duke pretenduar se kryebashkiaku i zgjedhur ka tentuar të blejë vota me shumën e 40 mijë lekëve.
“Jemi penguar në procesin e mbrojtjes, kemi të bëjmë me një process të paligjshëm dhe SPAK nuk na ka dhënë asnjë provë”, tha avokati i Fredi Belerit. Sipas tij, Policia e Shtetit ka montuar politikisht të gjithë procesin me qëllimin e vetëm që të mbahej peng Bashkia e Himarës.
“Provuam me prova që Prokuroria nuk na ka dhënë prova, për bashkëpunëtorin e policisë dhe Prokurorisë. Cituam dhe udhëzimin përkatës ku është paguar në mënyrë të paligjshme. Pasi është arrestuar Beleri, kanë filluar të rregullojnë të gjitha letrat. Proces i paligjshëm dhe i montuar, standard i dyfishtë.
Nga data 8 maj deri në 14 maj janë siguruar tabulatet, por ai nuk ka qenë fare në Himarë. S’na kanë dhënë as tabulatet e telefonave të Arsenit. Kanë qëllim ta dënojnë sepse duan të mbajnë bashkinë e Himarës. 10 muaj burg është boll”, tha ai.
Discussion about this post