Çështja “Beleri”, ja gjyqtarja që do të vendosë për fatin e Kryebashkiakut

Gjyqtarja Entela Shedola ka në dorë dosjen “Beleri”, çështja e të cilit do të gjykohet në Gjykatën e Shkallës së Parë në Durrës, pas kërkesës së kryebashkiakut të zgjedhur të Himarës, Fredi Beleri, që kërkon lirimin nga qelia.

Ditët e fundit dy gjyqtarë kanë hequr dorë nga gjykimi kërkesës së Belerit.

Fillimisht ka hequr dorë gjyqtari Rexhep Bekteshi, të cilit i kishte rënë shorti për ta gjykuar kërkesën. Më pas shorti i ra gjyqtares Besiana Garxenaj, e cila u tërhoq duke refuzuar të përfshihet në këtë çështje të nxehtë.

Tashmë gjykimin e kërkesës së Belerit e ka marrë përsipër gjyqtarja Entela Shedola.

Seanca është parashikuar të mbahet mesditën e dates 10 tetor.