Gjykata Kushtetuese ka caktuar datën se kur do të shqyrtojë kërkesën e Fredi Belerit, kryebashkiakut të zgjedhur të Himarës, i cili prej 12 majit ndodhet në paraburgim me akuzën e blerjes së votave.
Belerit nuk i është lejuar që të betohet si Kryebashkiak, çka është kundërshtuar prej tij, madje duke iu drejtuar edhe Kushtetueses.
Së fundmi kjo gjykatë ka caktuar datën 19 mars 2024 për të marrë në shqyrtim kërkesën e Belerit.
“Ju drejtohem Ju që jeni gardianët e Kushtetutës, që të dëgjoni lutjen time dhe të banorëve të Himarës për caktimin e një date sa më të shpejtë të gjykimit të kërkesës time, duke parë që ka kaluar kohë e gjatë prej 1 viti që pushteti qendror ka cenuar të drejtën e zgjedhjeve në Himarë”, thuhet midis të tjerash në kërkesë.
Discussion about this post