Konflikti për kufirin detar me Greqinë mbetet i pazgjidhur pas me shumë se një dekadë, përsa kohë mungojnë institucionet përgjegjëse në Shqipëri për të adresuar problemin.
Kolonel Myslim Pasha, ish-drejtori i Institutit të Topografisë Ushtarake të Shqipërisë, thotë se çështja nuk mund t’i lihet në dorë një personi, në rastin konkret të kryeminstrit Rama, i cili i dha të drejtë fqinjëve për zgjerimin në det me 12 milje.
“Kryeministri i Shqipërisë tha që Greqia ka të drejtën ndërkombëtare detare të zgjasë dhe zgjerojë ujërat territoriale në 12 milje.Por institucionet shqiptare nuk duhet ta linin bosh kryeministrin e tyre, por kishin përgatitur punimet e tyre studimore ku i thuhej: do të zgjerohej Greqia në 12 milje detare, por atje ku e lejon gjeografia. Pra ju mund të shikoni se problemet janë ende të pazgjidhura” tha ai.
Sipas kolonel Pashait ne kete rast nuk mund te krahasohet nje shkemb ne det per tu marre si vije kutire me nje cope toke kontonetale.
“Ne nuk jemi në kufi me Greqinë kontinentale, por me Greqinë ishullore. Si është e mundur që të vlerësohen në mënyrë të barabartë nëj ishull apo një shkëmb që duket se ka mbirë nga dheu njëlloj me tokën kontinentale që është gadishulli i Karaburunit,” deklaroi ai.
Ai fajëson palën shqiptare për ngërçin e tejzgjatur. Pakti detar me fqinjët, i rrëzuar nga gjykata kushtetuse në 2009, më pas u rinengociua nga ekspertët e dy vendeve por pa rezultat.
Së fundmi kryeminstri Rama u zotua bashkë me homologët greke se do ta çojë në Hagë çështjen, por as Tirana dhe as Athina zyrtare nuk kanë përgatitur një dosje të posaçme.
Për këtë u fajësua presidenti Meta, por kreu i shtetit hodhi poshtë pretendime e tha se kryeministri nuk ka përcjellë atij asnjë informatë mbi negociatat.
Prej dy vitesh që kur u publikua ideja për gjyqin e Hagës çështja mbetet pezull.
Discussion about this post