Analisti Fatos Lubonja ditën e sotme ka qenë i ftuar në News24 përmes një lidhje të drejtpërdejtë nga Italia, nga ku ka komentuar edhe zhvillimet e fundit në vend, por me theks çështjen e energjisë elektrike.
Sipas Lubonjës, qeveria ka dështuar e për këtë ai rendit disa faktorë. Ndër të tjera pohon se cilësimi i çështjes së energjisë elektrike si një fatkeqësi natyrore e konfirmon fare mirë.
“Ky është dështim i qeverisë për kompensimin e politikave të gabuara. Mendoj se në thelbin e vet edhe sikur të ketë një krizë, e cila do të ndikojë, duhet të ketë një rritje. Por këtu vjen problemi, se sa ke ti politika për të mbrojtur qytetarët nga këto fatkeqësi, politika shtetërore, që kanë të bëjnë me çështje publike. A ka shteti ynë rezerva siç duhet të ketë një familje normale, për raste fatkeqësie, apo ja vë në ngarkim qytetarëve?!” shprehet më tej analisti.
