Ish-ministri i Mjedisit, Lefter Koka, i arrestuar për aferën e inceneratorëve, është liruar nga burgu pas katër vitesh. Vendimi vjen pas vendimit të Gjykatës së Lartë për çështjen e inceneratorit të Fierit, ku GJKKO ka shuar masën e sigurisë “arrest me burg” dhe ka kthyer dosjen për rigjykim në Apel.
Sa i përket inceneratorit të Elbasanit, Koka ka përfituar lirimin me kusht nga Gjykata e Durrësit, ndërsa për inceneratorin e Tiranës, dënimi është konsideruar i shlyer me kohën e kaluar në paraburgim.
Me këto zhvillime, të tre dosjet penale ku Koka ishte i përfshirë Elbasani, Tirana dhe Fieri, nuk kanë më masa sigurie në fuqi, duke i hapur rrugën lirimit të tij pas katër vitesh heqje lirie.
Gjykata e Posaçme, në prill të këtij viti, ka dënuar me 3 vjet burg ish-Ministrin e Mjedisit Lefter Koka për inceneratorin e Tiranës. Koka do të vuajë 2 vite burgim për shkak të gjykimit të shkurtuar. Bashkë me burgun që ka kryer, Koka nuk lejohet që të mbajë funksione publike për 5 vite. SPAK çoi për gjykim një pjesë të të akuzuarve për inceneratorin e Tiranës mes të cilëve edhe ish-ministrin e mjedisit Lefter Koka, si dhe disa ish-zyrtarë të bashkisë së Tiranës dhe anëtarë të komisionit të vlerësimit të ofertave.
Ish-deputeti i Partisë Socialiste, Alqi Bllako akuzohet se ka përfituar afro 14 milion e 600 mijë lekë pasi ka falsifikuar dokumente për të shpronësuar një tokë për ta kthyer nga një tokë arë në truall në bashkëpunim me ish-ministrin e Mjedisit, Lefter Koka e kryetarin e shpronësimeve, Pëllumb Abeshi për Inceneratorin e Elbasanit. 0 Ish-ministri i Mjedisit ka dhe një dënim tjetër me 6.8 vite burg për inceneratorin e Elbasanit, ndërsa për inceneratorin e Fierit, ku sërish është i përfshirë Lefter Koka, çështja është në rigjykim.
Discussion about this post