Gazetari investigativ Artan Hoxha ka treguar se i qëndron ende mendimit të tij të parë, që Ervis Martinaj është eliminuar nga një grup bandash kriminale të bashkuara kundër tij. I ftuar në mbrëmjen e sotme në emisionin “Opinion”, Artan Hoxha komentoi edhe operacionin e Policisë së Shtetit në banesën e tij në Fushë Kuqe, e cila u realizua disa javë më parë.
“Unë nuk e kuptoj pse u bë kontrolli në këtë moment, nuk ka logjikë. Nëse do ishte bërë, duhet të ishte bërë në momentet e para. Unë jam habitur që u gjetën aq pak armë. Kanë ndodhur shumë ngjarje. Kështu që kontrolli mu duk si një procedurë e fundit që kishte mbetur pa bërë.
Nuk kishte asnjë element të ri. Ajo që ne prisnim është që kjo çështje të kalojë në SPAK, të merret posaçërisht me të. Tjetra, këto elementët që ka telefonata të përgjuara, patjetër që ka informacione që nëse merren 100% të besueshme na çojnë askund. Mesazhet kanë qenë kaq kontradiktore, thonë që e panë këtu, atje. Është një histori që ka vajtur disa 147 nga 9 gushti.
Deri në këto momente, ende institucionet nuk e kanë të qartë se çfarë po hetojnë. Kanë edhe një dëshmitarë dhe elementë të tjerë shumë të rëndësishme, por nga ana tjetër duke dashur ta lënë këtë gjë evazive, shkojnë atje. Po të shkojnë pas disa ditësh do gjejnë prapë armë. Në zonën e Fushë Kuqes është e pamundur që të hysh dhe të mos gjesh armë. Duke e lënë në mjegull kanë krijuar të gjithë ambientin e versione nga më të pabesueshmet. Nuk ka kufomë, autorë, njerëz të përfshirë. Ne jemi atje ku ishim, tek varianti i parë. Një aleancë e disa grupe kriminale ka organizuar një ngjarje, më të rëndësishmen e dekadës së fundit,”-tha Artan Hoxha.
Discussion about this post