Çështja e vulës, Çollaku: Tërheqja e ankimit lëvizje taktike

Deputeti i Partisë Demokratike, Kreshnik Collaku ka folur për situatën aktuale ku ndodhet Partia Demokratike.

Collaku tha për “Abc News” se tërheqja e ankimimit nga Alibeaj është një lëvizje taktike, e cila hap kanalin për një lëvizje, që mund të heqë çdo lloj alibie për vendimin final mbi bashkimin.

Edhe pse Alibeaj mori këtë vendim, Berisha ka vazhduar me akuzat se ky grup i shërben Ramës, e për ktë Collaku tha se kjo gjuhë nuk i shërben bashkimit.

“Tërheqja e vendimit nga Alibeaj është një lëvizje për të hequr çdo lloj alibie për vendimin final, se ku do të ecim, e për të zgjidhur  ligjërisht debatin mbi statutet. Dështuan përpjektet për të gjetur një konses. Ai vendim i Apelit zgjidh këtë nyjë, vendim që duhet të ishte dhënë, por s’dihet pse u vonua. Sa më shumë zgjat kjo situatë aq më shumë rëndohet situata organizative pasi jemi në prëg të zgjedhjeve. Pas kësaj, ka një tjetër oqean që duhet kaluar për të parë mundësinë e bashkimit. Ky vendim i Apelit përcakton shinat”, tha deputeti.

Berisha edhe pas dekaratës gjatë paradites, Berisha vazhdoi akuzat se grupi i Alibeajt vazhdon të përdoret nga Rama, keni një koment?

“Në fakt përcaktimi i gjykatës është vetëm fillimi, ndarja është shumë e thellë. Kmeik një sfidë të madhe, bashkimi. Kjo gjuhë e përdorur, nuk është gjuha që favorizon bashkimin. Unë mendoj se pavarësisht ngarkesave që mund të ketë cdokudh në PD, në rast se do të ketë bashkim, bashkimi duhet të jetë i sinqertë. Kjo gjuhë kthehet në një pengesë për arritjen e qëllimit”, u përgjigj Çollaku.

Pse nuk jeni ulur ende?

“Unë kam qenë një ndër deputetët që kam nxitur shumë këtë çështje. Bashkëpunimi ishte përpjekja për të nxjerrë kandidatë të përbashkët. Këtë marrëveshje e arritën vetëm demokratët e Mirditës. Pati vullnet, pati takime mes Palokës dhe Bardhit, por kjo përpjekje dështoi. Berisha tha se bashkimi mund të realizohjet vetëm nëse pranoni statutin tonë, këtë nuk mund të na e imponosh. Neve na ndau marrëdhënia jonë me SHBA, si do të jetë situata jnë me SHBA, kjo na ndau”, u shpreh ai.