Letra e dërguar të premten nga FEF në selinë e UEFA-s duke denoncuar ndërhyrjen politike në ‘çështjen Jenni Hermoso’ nuk pati efektin e dëshiruar nga Luis Rubiales, president dhe Andreu Camps, sekretar i përgjithshëm i Federatës Spanjole të Futbollit.
Organi i kryesuar nga Aleksander Ceferin e vlerësoi letrën, por vendosi të mos ndërhynte. Nisur nga dyshimet që lindin për figurën e Rubiales, i cili është edhe nënkryetar i UEFA-s, Ceferin nuk ka dashur të pozicionohet qartë, apo ta mbështesë atë duke ia transferuar këtë protestë FIFA-s, e cila është ajo që sanksionon në rast ndërhyrje politike. Prania e skuadrave spanjolle në garat evropiane, pra, nuk është në rrezik.
Në këtë mënyrë, intuitohet gjithashtu që UEFA i kthen shpinën Rubiales. Në fakt, në Zvicër presin një vendim zyrtar nga qeveria spanjole për t’u prononcuar përfundimisht, por nisur nga ngjarjet dhe qëndrimi i prerë i FIFA-s, duket e vështirë të mendohet se nuk do ta largojnë Rubiales nga Komiteti Ekzekutiv dhe nga ndonjë nga detyrat e tij në UEFA.
Rubiales nuk është punonjës i UEFA-s, por anëtar i një federate që është zgjedhur për një funksion të caktuar.
Duhet mbajtur mend, se këtë javë do të hidhet shorti për Champions League dhe është dhënë starti zyrtar për futbollin në Evropë.
Do të shpërndahen çmimet vjetore të UEFA-s dhe do të jenë të pranishme të gjitha skuadrat që marrin pjesë në kompeticionet evropiane.
Ceferin nuk dëshiron që gala të mjegullohet nga gjithçka që po ndodh rreth Rubiales. Sa më pak ta spërkasë çështjen UEFA, aq më mire është. Prandaj, përgjigja ndaj letrës ka qenë palëvizshmëri.
Në përputhje me qëndrimin e UEFA-s, presidenti i Këshillit të Lartë të Sporteve (CSD), Victor Francos, gjithashtu e ka bërë të qartë se nuk ka asnjë rrezik për ekipet kombëtare dhe klubet spanjole që të mos marrin pjesë në garat ndërkombëtare.
“Nuk ka asnjë rrezik për të marrë pjesë në asnjë nga kategoritë”, tha ai para mikrofonit të “La Sexta”.
Discussion about this post