PSG vazhdon të bëjë hapa të mëdhenj në përpjekje për t’i dhënë fund marrëdhënies së saj me Mbappé.
Shembulli i fundit, vendimi i marrë nga skuadra franceze lidhet me heqjen e sulmuesit francez nga imazhi që ilustron skuadrën e futbollistëve në faqen zyrtare të klubit.
Mbappé ishte imazhi kryesor në kopertinën e PSG-së, megjithatë, papritur francezi është zhdukur nga kjo faqe. Një masë tjetër presioni nga Al Khelaifi dhe ekipi i tij.
Kylian aktualisht është larg skuadrës, duke u stërvitur me lojtarët jashtë planeve të skuadrës së Luis Enrique, i kërcënuar nga klubi me opsionin për të mos luajtur gjatë gjithë sezonit dhe, tashmë, ai ka filluar të hiqet nga faqja zyrtare e PSG-së në mënyrë krejtësisht të paturpshme.
Në Paris po bëjnë gjithçka që është e mundur për ta shtyrë Mbappen të largohet sa më shpejt dhe çdo ditë bëjnë një hap më shumë për ta arritur atë.
Lojtari ka insistuar që të dëshirojë të përmbushë kontratën e tij deri në vitin 2024, por jo ta rinovojë më tej. PSG e ka marrë atë si një sfidë dhe, prej javësh, ata janë përpjekur të bëjnë sa më shumë presion. Deri më tani nuk duket se kanë arritur sukses.
Tani mbetet për t’u parë nëse më në fund do të hyjë në skenë presidenti i Real Madrid, Florentino Perez, kur e bën dhe në çfarë mënyre, për të zhbllokuar gjithë këtë çështje. Duket evidente se vetëm Real Madrid mund të gjejë një zgjidhje për këtë rrëmujë, por, po, me çmimin e vendosur nga “Los Blancos”.
Hakmarrja e Florentinos për atë arrogancë të treguar nga Al Khelaifi dhe Emiri dy vite më parë do të jetë më se e ëmbël. Tani, PSG, duhet të mësohet me faktin se e kanë pothuajse të humbur betejën me Mbappe.
Discussion about this post