Ish-biznesmeni famëkeq i korrupsionit Rezart Taçi vijon të jetë në kërkim ndërkombëtar për pastrimin e 18 milion eurove nga Shqipëria me porosi të bosave Italianë.
Shuma e parave të sekuestruara do të qëndrojnë të bllokuara deri në momentin që Gjykata do të marrë një vendim. Nëse vërtetohet akuza e pastrimit të parave sasia e sekuestruar i kalon me marrëveshje të dy shteteve Italisë dhe Shqipërisë, që kanë hetuar në lidhje me këtë rast.
Pritet që Gjykata të vendosë se nëse të pandehurit janë fajtor për akuzën e pastrimit të parave në kuadër të grupit të strukturuar kriminal dhe kjo provohet, atëherë çështja se cili nga shtetet i përfiton paratë e sekuestruara zgjidhet me marrëveshje dypalëshe.
Sasia e eurove është sekuestruar nga Prokuroria e Posaçme ne muajin gusht të këtij viti ndërsa biznesmeni i hidrokarbureve Rezart Taçi kishte dalë garant për pastrimin e tyre.
Në përgjimin e datës 6 tetor 2021 Taçi i thotë sipërmarrësit italian Francesco Zummo se paratë ja garantonte me asetet e tij dhe të mos kishte merak.
Pas hapjes se llogarisë më 18 qershor në Mal të Zi e në Tiranë transaksionin e kalimit nga llogaria e Zummo tek e Taçit do ta bënte financieri Fabio Petruzella .
Discussion about this post