Çështja “Toyota Taris”, Artan Hoxha: Prokurori belg lëviz me makinë të blinduar kur vjen në Shqipëri

I ftuar në “Opinion”, gazetari Artan Hoxha është shprehur se prokurori që ka në dorë dosjen e 3.4 milionë eurove të gjetura në “Toyota Yaris” është i njëjti që po heton dhe vrasjen e Arjan Spahiu, shqiptarit që u vra në kryeqytetin e Belgjikës.

Ai tha se ky prokuror ka ardhur të paktën shtatë herë në Shqipëri dhe kërkon përforcim të sigurisë.

Hoxha më tej tha se prokurori pretendon se i rrezikohet jeta dhe kërkon eskortë të blinduar për të lëvizur. Gjithashtu, hoteli ku ai vendoset kur vjen në Tiranë qëndron i rrethuar nga forca të shumta policie. 

“Për çështje që nuk ka të arrestua me burg, çështja shkon deri në 5 vite. Prokuori federal është i njëjti që po ndjek vrasjen e Arjan Spahiut. I njëjti prokuror ka ardhur në Shqipëri vetëm për çështjen e “Toyota Yaris” dhe ka kërkuar siguri sepse ka pretenduar që i rrezikohet jeta. Me eskortë të blinduar lëviz, vendoset në hotel të siguruar nga policia. Edhe pse nuk ka rrezik real për të. Sa herë ka ardhur ka bërë këtë gjë”- tha Hoxha.