Presidenti i Turqisë Reccep Tayip Erdogan po injoron thirrjet e Përendimit dhe Moskës për të tërhequr trupat ushtarakë në Siri. Ai u tregua i prerë, duke thënë se nuk do të marrë lejen e askujt për mbrojtjen e kufinjve të shtetit që udhëheq.
“Nuk do t’i kërkojmë askujt lejen për të mbrojtur kufijtë tanë. Jemi të vendosur të shkatërrojmë organizatën terroriste PKK. Askush të mos shqetësohet për operacionet ushtarake që synojnë vetëm zgjerimin e zonës së sigurisë”-tha ai.
Edhe pse Erdogan është përpjekur të mbajë marrëdhënie të mira me Rusinë dhe bisedime për sistemet ajrore me SHBA-në, ai merr çdo ditë “mesazhe të ashpra” nga Perëndimi. Në mesazhe, presidentit turk i kërkohet të mos ndërmarrë veprime destabilizuese, ndërkohë që çështja e mosrespektimit të rregullave të shtetit ligjor ngrihet gjithnjë e më shumë si çështje kyçe në raportet evropiane.
Megjithatë, e sigurt është se komuniteti ndërkombëtar po i shikon me shqetësim lëvizjet e Erdoganit në fusha të ndryshme, në një kohë kur Ankaraja është në rrezik të izolimit për shkak të obsesionit të tij me kurdët.
Discussion about this post