Kandidati i koalicionit “Bashkë Fitojmë” për Bashkinë e Tiranës, Belind Këlliçi ka premtuar transport falas me autobusët nëse fiton në zgjedhjet e 14 Majit.
Por çfarë do të ndodhë me autobusët fizarmonikë në kryeqytet? Kjo pyetje, Belind Këlliçit, i është bërë në studion e emisionit Stop në Tv Klan, ku kandidati i “Bashkë Fitojmë” ka qenë i ftuar.
Sipas Këlliçit, një zgjidhje për autobusët fizarmonikë do të ishte të funksiononin në zona të caktuara të Tiranës ku linja është vetëm rrugë e drejtë.
Saimir Kodra: Nëse do të realizohet dëshira jote, ke menduar të heqësh autobusat fizarmonikë? E fusin turirin te Zogu i Zi dhe fundin e kanë te xhamia e Rrugës së Kavajës. 36 metra autobusë.
Belind Këlliçi: E gjithë platforma është e hartuar në bazë të një konsultimi me operatorët që operojnë. Autobusët fizarmonikë në një pjesë të qytetit janë zgjidhja më e mirë sepse vetëm me një kalim i marrin gjithë pasagjerët kur kalojnë në linja të drejta. Kur është drejtë.
Discussion about this post