Largimi i Lionel Messit nga Barcelona përveç historisë, duket se do të lërë pas edhe një fanellë të famshme.
I detyruar të largohet, ku mendohet se shtëpia e re e tij tani do të jetë PSG-ja, fanella e Messit me numrin 10, që fituesi i gjashtë herë i Topit të Artë ka mbajtur për më shumë se një dekadë pritet që mos të përdoret për disa kohë.
Gjatë trofeut Gamper, ku Barça fitoi 3-0 kundër Juventus, sërisht numri 10 nuk ishte në lojë, dhe pritet që të paktën sezonin e ri të La Liga që po bëhet gati të startojë, ky numër të mbetet në sirtarët e Barcelonës.
La Liga, ndryshe nga kampionatet e tjera, nuk ta jep mundësinë që një fanellë me numër të caktuar, ta nxjerrësh nga përdorimi, ashtu si ndodh në NBA, Serie A, dhe në raste të veçanta në Premier Liga.
Por e veçanta e numrit 10 të Bracelona është se e kanë mbajtur vetëm emra të mëdhenj më parë, si Romario, Ronaldinho, Maradona, Rivaldo dhe Messi. Kjo është arsyeja pse mendohet se asnjë lojtar aktual i klubit nuk mund të mbajë një peshë kaq të madhe në këto momente.
