Një burim për mediat, ka mundur të sigurojë atë çfarë Thomas Mithan ka deklaruar momentin e arrestimit mëngjesin e të shtunës.
Nga deklarimi i tij që ka trajtën e një rrëfimi prej një të penduari të parë prej grupit të 6 personave , Thomas Mithan ka pranuar se përse kishte ardhur në Shqipëri dhe se çfarë duhet te bënte.
Kjo është deklarata gozhduese e tij për pjesën tjetër të grupit e cila është një as i fortë tashmë në dorën e prokurores angleze e cila, përfaqëson shtetin shqiptarë në këtë proces ekstradimi.
“Çfarë dreqin është kjo? Unë shkova në Shqipëri për pak ditë. Unë nuk doja të ngatërrohesha me atë histori prandaj u ktheva përsëri në Angli. Unë shkova me Harriet në Shqipëri por vendosa të kthehesha” ka pohuar ai.
Thomas Mithan, të shtunën i tha gjykatës se ishte i gatshëm të vendoste 2.000 stërlina si garanci për lirim më kusht.
Gjykatësja Neeta Minhas e refuzojë këtë kërkesë me argumentin se jemi përballë një krimi të rëndë për të cilin e kërkonte shteti shqiptarë.
Thomas Mithan do të prangosej në qytetin Bristol në Anglinë Jug Lindore pak pas arrestimit po në këtë qytet të Stephen Hunt ndërsa disa orë më vonë u arrestua Harriet Bridgeman.
Sikurse Harry Simpson e Stephen Hunt edhe Thomas Mithan ka një të shkuar problematike me ligjin.
Nga skeda e tij penale në prokurorinë angleze CPS, media mëson se 49 vjetari Hunt, momentin e arrestimit ishte në një program rehabilitimi për lënien e drogës.
Thomas Mithan njihej edhe me emrin David i lindur në 8 Prill 1998.
Në 29 Prill 2014 ai do të dënohej me shërbim prove për posedim dhe shpërndarje kokaine.
Discussion about this post