Presidenti ukrainas Volodymyr Zelensky ka njoftuar se ka folur me homologun e tij francez Emmanuel Macron.
Gjatë bisedës telefonike, të dy drejtuesit diskutuan mbi procesin e negociatave, rëndësinë e garancive të sigurisë dhe sigurimin e korridoreve humanitare nga qyteti port i Mariupolit, tha Zelensky në një postim në rrjetet sociale.
Telefonata ka ardhur pas bisedimeve të paqes midis Ukrainës dhe Rusisë që rifilluan sot online, vetëm disa ditë pasi të dyja palët u takuan në Turqi për negociatat ballë për ballë.
Më herët sot, Ministri i Jashtëm rus Sergei Lavrov, në një konferencë për shtyp në kryeqytetin e Indisë, Nju Delhi, tha se asnjë “plan i miratuar” nuk ishte paraqitur ende pas bisedimeve midis Ukrainës dhe Rusisë.
Discussion about this post