Arbër Hoxha, autori i plagosjes se 26-vjecarit Enidor Dedja, mbrëmjen e djeshme është konfliktuar me dy vëllezërit Fabio dhe Albano Domi, të cilët janë edhe pronarët e dyqanit të aksesoreve te makinave ku ndodhi ngjarja sot.
Burime nga grupi hetimit thanë se rreth orës 11.15, Hoxha ka shkuar pranë dyqanit dhe ka hapur zjarre me pistolete ne drejtim te tre personave qe ndodheshin aty; Fabios dhe Albano Domit dhe Enidor Dedja që ndodhej aty.
Sipas të njëjtave burime, këta ta fundit i janë kundërpërgjigjur Hoxhës me zjarr. Policia ka shoqëruar vëllezërit për t’i marrë në pyetje për ngjarjen, ndërsa vijojnë kërkimet për kapjen dhe arrestimin e Arbër Hoxhës.
Nga të dhënat e para, dyshohet se shkak për konfliktin të jetë bërë një përplasje për shkak të një femre. Policia ka gjetur në vendin e ngjarjes një numër të madh gëzhojash, të cilat i përkasin dy armëve të ndryshme: një pistoletë TT dhe tjetra Berreta 9mm.
Discussion about this post