Deputeti i PD, Enkelejd Alibeaj, ka folur sot rreth takimit që ambasadorja e SHBA-së, Yuri Kim ka zhvilluar sot me kreun e grupit parlamentar të PS Taulant Ballën dhe atë të PD Alfred Rushajn. Gjatë një interviste televizive ai u pyet se çfarë i ka kërkuar Rushaj ambasadores, por ai u përgjigj prerë duke thënë se këtë mund ta tregojë vetë Rushaj.
Më pas, ai shtoi se më e rëndësishme për qytetarët vendosmëria e PD për të çuar përpara propozimet e saj dhe jo se ku shkon ambasadorja. “Kur ta kesh zotin Rushaj këtu, ta sqaron ai nga fillimi në fund. Besoj se nuk ja vlen askujt se të merremi me temë diskutimi se ku ka shkuar Zonja Kim. Ka një kërkesë nga PD e nënshkruar nga 28 deputetë drejtuar Kuvendit për të bërë një ndërhyrje në Kushtetutë për tre çështje të rëndësishme”, u shpreh ai.
Sipas Alibeajt, prioritet i PD tashmë janë vetëm ndryshimet në kushtetuese, prandaj dhe çdo herë do të diskutojë rreth tyre dhe jo për gjëra që marrin kohë kot.
Discussion about this post