Trajneri i ekipit kombëtar të boksit në Shqipëri, Sead Bushati ka reaguar pas bujës së madhe që po bëhet nga Qeveria pas fitores së boksierit Florian Marku, në stadiumin “Air Albania” ndaj boksierit meksikan. Përmes një reagimi në rrjetin social Facebook, Bushati thotë se të rinjtë shqiptarë nuk kanë nevojë për show por për shembuj suksesi e në këtë rast Marku nuk është i tillë. Ai pyet se çfarë ka bërë Marku për vendin në konkurse institucionale ndërkombëtare, a e ka përfaqësuar dhe çfarë ka fituar. Sipas tij, është e turpshme dhe propagandë që u ngritën në këmbë bashki e kryeminisytri për të zhvilluar një ceremoni për Markun, të njëjtë me ceremonitë që janë zhvilluar për kampionë të vërtetë shqiptarë, që kanë ardhur në vend me medalje ari.
“TË RINJTË KANË NEVOJË PËR SHEMBUJ SUKSESI DHE JO PËR SHOË Duke iu referuar ndeshjes së mbrëmshme ndërmjet Florian Markut dhe boksierit meksikan Miguel Parra, si specialist i këtij sporti, Dr. Shkencash, Pedagog në UST, dhe trajner i Ekipit Kombetar, nuk mund të rri pa sqaruar sportdashësit shqiptar mbi hipërbolizimin e kësaj ndeshje, e cila për hir të së vërtetës la shumë për të dëshiruar. Ndeshja u dominua nga boksieri meksikan paçka se u fitua nga Marku. Në disa media dhe portale thuhet se Florian Marku është boksieri më i mirë shqiptar, ndaj mora iniciativën të bëj këtë sqarim dhe të vendos meritën aty ku duhet. Shqipëria ka sportistë të cilët qëndrojnë shumë më lart se Florian Marku. Boksieri Alban Beqiri shkroi historinë e boksit shqiptar në Beograd, duke u rënditur i treti në Botë dhe Kampion Ballkani.
Duke parë kontributët që boksierët tanë i kanë dhënë Shqipërisë, natyrshëm lind pyetja: Po Florian Marku çfarë ka dhënë për vendin? Ae ka përfaqësuar ndonjëherë vendin në konkurse institucionale ndërkombëtare? Vetëm show, asgjë më shumë. Ndjehem i keqardhur dhe i pezmatuar që boksierët tanë që ngritën lart Flamurin Kuq e Zi dhe na përfaqësojnë denjësisht, nuk u pritën siç u ka hije kur kanë ardhur me medalje ndërkombëtare! Janë ngritur në këmbë Bashki e Kryeministri për të organizuar një pritje madhështore për Florianin, ndërkohë që për të tretin e botës, z.Kryeministër nuk denjoi as ta priste në zyrën e tij”, shkruan ai. Ndërsa thotë se qeveria po bënë biznes me sportin dhe kulturën.
Discussion about this post