Nëse të gjithë miqtë dhe ndjekësit në rrjetet sociale janë mësuar me foto gjithmonë e më të bukura nga Besa Kokëdhima, sot postimi i fundit i këngëtares nuk ka qenë edhe aq i këndshëm.
Këngëtarja e njohur shqiptare, ka bërë të ditur me anë të një fotoje që ka postuar në Instastory, se ka përfunduar në spital për shkak të helmimit nga ushqimi.
“Kujdes nga helmimi i ushqimit, uji i çezmës, ushqimi i prishur, gripi. Do të bëhem një pirate që jeton në det.”- thotë Besa.
Besa Kokëdhima është një figurë mjaft e dashur për tregun muzikor shqiptar. Shumë këngë të saj janë shndërruar në hite dhe janë pëlqyer mjaft nga publiku. Nuk dihet se për çfarë arsye, por Besa bëri një pauzë gati 1-vjeçare duke mos sjellë asnjë prurje të re.
Kujtojmë që një ditë më parë këngëtarja publikoi në llogarinë e saj në Instagram një karusel fotografish, teksa krahas tyre zbuloi surprizën e madhe për të cilën mund të themi me plot gojë se ja vlejti pritja. Artistja nuk ka qenë shumë aktive, pasi është marrë me albumin e saj më të ri, i cili do të jetë një “epokë e re” për Besën.
Discussion about this post