Çfarë kërkon të realizojë Greqia në Hagë? Meçollari: Shkon për 2 arsye, rezultati do matet me kilometra

Kapiteni  i Rangut të Parë Artur Meçollari u shpreh se çështja e 12 miljeve me Greqinë është e ndarë nga çështje delimitimit.

Ai tha se Greqia në Hagë shkon për 2 arsye konkrete dhe se në fund rezultati do të matet me kilometra dhe jo me parime.

Meçollari: Çfarë kërkon të realizojë Greqia në Hagë? Çështja e 12 miljeve është e ndarë nga çështje delimitimit. Gjerësia e 12 miljeve nuk ndikon në delimitimi. Ajo është një vijë me distanca të barabarta dhe e korrektuar. Greqia po shkon në Hagë me 2 arsye. Qëllimi final i një çështjeje është fitimi i sipërfaqes. Llogaria në fund bëhet në kilometër katrorë. Greqia do të rrëzojë vijën e drejtë bazë të Shqipërisë në Hagë dhe të marrë minimumin e peshës së ishujve dhe shkëmbinjve. Lufta për peshën e ishujve bëhet në Hagë, jo para. Në marrëveshjen e vitit 2009 ishujt kanë fuqi të plotë, ndërsa në vitin 2018 nuk e kishin këtë të drejtë, sepse u bë korrektimi i tyre. Edhe ne sikur të kishim ishuj dhe do tu jepnim fuqi të plotë. Ka disa precedentë ku nuk kanë marrë fuqi të plotë ishujt. Palët do të tentojnë që të arrijnë maksimumin e tyre. Është e vështirë që të marrin peshë të plotë për këta ishuj.

Meçollari shtoi se kushti i pangociueshëm është që në marrëveshjen speciale të vihet në gjykim vija e drejtë bazë e jona në Hagë.

Meçollari: Kushti i pangociueshëm është që në marrëveshjen speciale të vihet në gjykim vija e drejtë bazë e jona në Hagë. Ajo është një vijë imagjinare dhe ka efekt në 40 kilometra katrorë në delimitimin e vijës detare. Ne duhet të fillojmë negociata në Hagë me plus 40 kilometra katrorë.