Çfarë ndodhi? Arrestohet një vajzë në Portin e Durrësit

Policia e Durrësit ka arrestuar një vajzë nga Kosova. Mësohet se ajo tentoi të kalonte kufirin me dokumente të falsifikuara. Burime zyrtare bënë me dije se bëhet fjalë për shtetasen me inicialet E. B., 30 vjeçe.

NJOFTIMI I POLICISE
Tentoi të kalonte kufirin me dokumente të falsifikuara, kapet në flagrancë në PKK Port Durrës dhe vihet në pranga 30-vjeçarja.

Shërbimet e Policisë Kufitare në PKK Port Durrës, në vijim të kontrolleve, duke përdorur pajisje të teknologjisë bashkëkohore, me qëllim parandalimin, evidentimin dhe goditjen e krimeve kufitare, arrestuan shtetasen E. B., 30 vjeçe, banuese në Kosovë, pasi ka tentuar të kalojë kufirin, me dokumente të falsifikuara.