Fansat e këngëtares së njohur Beyonce në Pittsburgh do të duhet të udhëtojnë diku tjetër për të parë turneun e saj botëror të Rilindjes, pasi shfaqja në vendin e tyre u anulua.
Krijuesja e hitit “Break My Soul” ishte planifikuar që të performonte në stadiumin Acrisure më 3 gusht. Megjithatë, të mërkurën, u njoftua se shfaqja ishte anuluar dhe biletat do tu rimbursohen fansave në pikate e blerjes.
Sipas një njoftimi për shtyp koncerti u anulua ‘për shkak të prodhimit dhe çështjeve të planifikimit’.
Kryebashkiaku i Pittsburgh, Ed Gainey tha se qyteti ishte “plotësisht i përgatitur” për të mirëpritur Beyoncén, madje planifikonte ta nderonte atë me një “qertifiktë” për të njohur arritjet e saj.
“Ne jemi në biseda për koncertin që të kuptojmë se çfarë çoi në anulimine tij, dhe nëse ka ndonjë gjë që ne mund të bëjmë si qytet për të gjetur një datë ose një vendndodhje të re për shfaqjen e saj,” shkroi Gainey në një deklaratë të martën.
Beyoncé nuk ka folur akoma për anulimin e shfaqjes në Pittsburgh, por tashmë ajo që dihet është që ky koncert është hequr nga lista e turneut të saj. Nuk ka data të listuara midis shfaqjes së saj të planifikuar më 1 gusht në Gillette Stadium në Foxborough, Massachusetts dhe shfaqjeve të 5 gushtit dhe 6 gushtit në FedExField në Landover, Maryland.
Turneu Botëror i Rilindjes filloi në Stokholm më 10 maj. Pas përfundimit të pjesës evropiane të turneut, Beyoncé është planifikuar se do të performojë këtë të shtunë në Amerikën e Veriut, Toronto.
Turneu është planifikuar të përfundojë në Kansas City, Missouri, më 1 tetor.
Discussion about this post