Kantautori i njohur Alban Skënderaj publikoi dje këngën e re e cila titullohet “Isabel”. Kënga u prit mjaft mirë nga fansat e tij, pasi në 24 orë numëron qindra mijëra klikime.
Kolegë e artistë të tjerë të Skënderajt e kanë shpërndarë në instastory këngën e tij, mes të cilëve ishte edhe kantautori Flori Mumajesi.
Të dy artistët njihen për projektet e suksesshme muzikore dhe përveç se kanë profesionin e njëjtë janë edhe miq më njëri tjetrin.
Flori ka postuar këngën e Albanit në Instastory, duke kërkuar që të tjerët ta dëgjojnë këngën por me shaka duke e “akuzuar” për kopjim.
“Hap pas hapi Alban Skënderaj, mund ta kishe bërë edhe Nina 2 ose Ninabel”, ishte mbishkrimi i Florit.
Një reagim nuk ka munguar as nga Alban Skënderaj, i cili e ka marrë me sportivitet duke e ripostuar postimin e Florit në rrjetin e tij social.
“Me ty Isa, Isa, Isa ouu”, ishte mbishkrimi i Albanit në ripostim.
Discussion about this post