Spektakli i ndeshjes së Super Bowl regjistroi një rekord shumë të veçantë. Në ngjarjen më të ndjekur amerikane të futbollit, Dr Dre, Snoop Dogg , Kendrick Lamar, Mary J. Blige, Eminem dhe 50 Cent elektrizuan publikun me hitet e tyre përgjatë viteve, në një spektakël që zgjati thuajse 15 minuta.
Ai që bëri përshtypje ishte reperi i njohur, Eminem kundërshtoi rregullat e Ligës Kombëtare të Futbollit (NFL) duke u gjunjëzuar gjatë shfaqjes së pjesës së parë të Super Boël LVI.
49-vjeçari e bëri këtë gjest pasi përfundoi performancën e këngës së tij hit “Lose Yourself”dhe u kthye në një simbol proteste kundër racizmit.
Ai qëndroi në këtë pozicion për rreth 50 sekonda, ndonëse asnjë lojtar nga Rams apo Bengals nuk u gjunjëzua gjatë këndimit të Himnit Kombëtar në fillim të lojës.
Sipas CNN, është e paqartë nëse gjunjëzimi ishte një pjesë e planifikuar e shfaqjes apo një vendim spontan, pasi Eminem nuk ka dhënë asnjë deklaratë.
Discussion about this post