Ndeshja e Ligue 1 midis Nice dhe Marseille u ndërpre mbrëmjen e djeshme kur tifozët e skuadrës vendase pushtuan fushën dhe sulmuan lojtarin kundërshtar Dimitri Payet.
Paymet u hodhi tifozëve një shishe me të cilën këta e kishin goditur ndërsa ishte duke luajtur në fushë, para se të fillonte një zënkë e shëmtuar ku u përfshinë shumë lojtarë.
Problemet në Stadiumin Allianz Riviera u ndezën në minutën e 75 -të kur ylli i Marsejës, Payet, i cili ishte shenjëstruar nga shishet plastike sa herë që shkonte në një goditje nga këndi, e nisur nga tifozët e Nice.
Por kundërpërgjigja e lojtarit i zemëroi shumë mbështetësit e Nices, të cilët më pas u futën në fushë dhe kërcënuan Payet.
Në përleshje u përfshinë, lojtarët e Marsejës, Alvaro Gonzalez dhe Matteo Guendouzi, që vrapuan drejt fundit të fushës për t’u përballur me tifozët.
Një kordon sigurie, të veshur me jelekë të verdhë, u përpoqën të frenonin pushtimin e fushës para se të shpërthente një përleshje midis lojtarëve të dy skuadrave, mbështetësve dhe stafit. Trajneri i Marseille, Jorge Sampaoli u pa i përmbajtur në ndryshim nga stafi dhe lojtarët e tij. Arbitri më pas i çoi të dyja skuadrat në dhomat e zhveshjeve ku i diskutua edhe për vazhdimësinë e takimit.
Pas një diskutimi të gjatë në dhomat e zhveshjeve, Marseille refuzoi të rifillojë ndeshjen duke pretenduar se siguria e lojtarëve të tyre nuk mund të ishte e garantuar.
“Vendimi u mor nga autoritetet për të rifilluar ndeshjen, por Marseille nuk dëshiron,”- tha presidenti i Nicës Jean-Pierre Rivere për transmetuesin ‘Prime Video’.
Sipas një burimi, gjyqtari Benoit Bastien ishte gjithashtu kundër një rifillimi të takimit dhe në fund ndeshja u braktis kur skuadra e Marsejës refuzoi të dilte në fushë./Gijotina.com
