Plas sherri në derbin shqiptar Shkupi- Shkëndija. Ndeshja që po zhvillohet në kryeqytetin e Maqedonisë së Veriut, u zhbllokua në minutën e nëntë. Ishin kuqezinjtë nga Tetova ata që kaluan në avantazh në duelin çerekfinal të Kupës. Ky gol shkaktoi zemërim të madh te ultrasit vendas.
Pjesëtarë të grupimit “Shvercerat”, u futën në fushë dhe sulmuan lojtarët e Shkëndijës. Sherr i madh, kaos dhe skena të turpshme në fushë, siç dallohet në videon e mëposhtme.
Ndeshja u ndërpre, në fushë zbarkuan edhe forcat speciale, teksa delegatët e ndeshjes theksuan se e vetmja mënyrë për të rinisur ndeshja është të boshatiset stadiumi, por vështirë që të bëhet fjalë për futboll pas skenave të tilla.
Raportet mes dy tifozerive të mëdha shqiptare nuk kanë qenë të mira prej kohësh, edhe pse në shumë raste personazhe të ndryshme të Shkupit dhe Shkëndijës kanë bërë thirrje për qetësi, vetëpërmbajtje dhe pajtim.
Discussion about this post