Tre mjete janë shkrumbuar në Laç. Ngjarja ka ndodhur rreth orës 1, pas mesnate, pranë një banke në qytet. Fillimisht flakët kanë përfshirë njërën prej makinave dhe më pas kanë djegur dhe dy të tjerat.
Edhe pse forcat e zjarrfikësve ndërhynë, nuk u bë e mundur shuarja e zjarrit në mjete, duke bërë që të treja të shkrumbohen. Ende nuk dihen shkaqet e zjarrit. Ndërkohë polica po vazhdon me hetimet, ndërsa dyshohet se njëra prej makinave mund të ketë shkaktuar një shkëndijë, që ka shpërthyer në flakë dhe më pas flakët kanë përfshirë dhe automjetet aty pranë.
Discussion about this post