Spektakli i djeshëm i “Big Brother Vip” u shoqërua me tensione e debate të ashpra mes banorëve, për të cilën kanë dhënë koment edhe ish-konkurrentët.
Mes tyre pjesë e prime-t, pas disa javësh mungesë për shkak të gjendjes së saj, ka qenë edhe Beatrix. E veshur me një fustan rozë dhe me një make-up të lehtë, këngëtarja tha se ishte shumë mirë, duke falënderuar të gjithë për mbështetjen. Gjithashtu ajo tha se ndjenja ndaj Donaldit është shtuar akoma dhe më shumë gjatë qëndrimit jashtë.
Të gjithë e kishin pritur shfaqjen e saj publike, ku pas të cilës fshihet marrëdhënia e shumëpërfolur e saj me aktorin. Po ashtu të gjithë e kanë pritur një përballje mes dyshes pas daljes nga shtëpia të artistes, megjithatë kjo nuk u mundësua nga produksioni i “Big Brother Vip”. Edhe pse ishte e pranishme në live-n e spektaklit të djeshëm, asaj, në asnjë moment nuk i është lejuar të përshëndesë partnerin e saj Donaldin.
Koha televizive kushtuar Trixës ishte vetëm momenti teksa Arbana pyeti Donaldin nëse i mungonte ndokush në shtëpi. E pas shumë ngacmimesh ai nxori se i mungonte Trixa dhe mendimet e mbështetja që ajo i jepte.
Discussion about this post