Deputeti demokrat, Dashnor Sula ka paralajmëruar 6 muaj më parë në parlament se ish-numri dy i qeverisë së Edi Ramës, Arben Ahmetaj do të kthehet në tmerrin e atyre që kanë futur duar në aferën e inceneratorëve.
Sula shprehej në atë kohë se Arben Ahmetaj u tregua burrë i zgjuar që iku, dhe se do t’i denoncojë një nga një të gjithë ata që kanë vjedhur te inceneratorët edhe pse drejtësia mund të vonojë.
Çfarë deklaronte:
Kush është personi apo grupi i personave të tjerë që mund të përfaqësojë kryeministrin, për të dhënë shpjegime mbi ikjen dhe arratisjen e Arben Ahmetaj. Arben Ahmetaj u tregua burrë i zgjuar dhe ka bërë gjënë më të mençur që se bën të tjerët, iku. Sepse ai është tmerri juaj edhe në gjumë, pasi ai i di të gjitha gjërat dhe do vijë ora, dita, që ai do t’i tregojë dhe do t’u denoncojë një nga një.
Dhe siç ndodhi para 3 vitesh që janë para drejtësisë dhe janë në burg persona të caktuar dhe ajo ditë do vijë. Mund të kalojnë 1 vit, 2, 3 apo 5 vite, por jam i bindur 1000% se të gjithë, kush ka futur duart te inceneratori do të japë llogari dhe kjo ka për të ndodhur pa diskutim.
Discussion about this post