Kryeministri Sali Berisha deklaroi sot në mbrëmje se do të dorëzojë në Kuvend ligjin për heqjen e parashkrimit për kryeministrat dhe ministrat.
Ai shtoi se ka një shteg ligjor për të depërtuar, ndaj dhe ftoi të gjithë ndërkombëtarët e interesuar për luftën e korrupsionit që të mbështesnin kalimin e ligjit.
“Javën që vjen dorëzoj në parlament ligjin e heqjes së parashkrimit për kryeministrat dhe ministrat. Ka një shteg. Shtegu është ky, kur një vendi i bëhet një problem madhor shumë, ka të drejtë edhe në Kushtetutë që të krijojë mekanizma të përkohshme. Nëse unë them që për 20 vite në prapaveprim, kryeministrat dhe ministrat nuk do kenë parashkrim, kjo e fiton të drejtën kushtetuese, për të përballuar një fenomen që po gërryen shoqërinë shqiptare. Nuk mund të jetë përherë. Në qoftë se i jep një afat kohor mirëveprimi është i mundshëm. Unë do e dorëzoj ligjin. Unë këtu ftoj të gjithë partnerët të cilët janë të interesuar për luftën kundër korrupsionit të mbështesin kalimin e këtij ligji,”-tha Berisha ndër të tjera në fjalën e tij.
Discussion about this post