Duke qenë se banorët e Big Brother këtë vit janë personazhe të famshëm dhe të dashur për publikun, nuk kanë munguar rastet kur fansat iu kanë dërguar atyre dhurata përmes dronit brenda në shtëpi.
Duke qenë se një nga rregullat e këtij formati televiziv është që për 100 ditë banorët nuk duhet të kenë asnjë lloj komunikimi me jashtë, por ky rregull nuk është respektuar, prandaj “Vëllai i Madh” ka marrë sot një vendim të rëndësishëm.
Përmes një njoftimi në faqen e tij zyrtare BBV njofton se nga sot do të ndalohen lëvizjet me dron mbi shtëpi dhe për këtë janë vendosur pajisje të posaçme që i pengojnë ato. “Big Brother” ju lajmëron se duke filluar që nga ora 13:00 e ditës së sotme do të ndalohet lëvizja e çdo mjeti fluturues (dron) mbi shtëpi.
Gjithashtu informojmë se në shtëpi janë instaluar pajisjet e specializuara që do të ndalojnë fluturimin e këtyre mjeteve”, thuhet në njoftim. Kujtojmë se më i fundit që mori një surprizë nga fansat përmes dërgimit me dron ishte Sabiani.
Discussion about this post