Çfarë po ndodh në burgun e Drenovës? Revoltohen të dënuarit, thirrje Avokatit të Popullit

Revoltohen të dënuarit e burgut të Drenovës. Sipas informacioneve, shkak i revoltimit është bërë mbipopullimi i qelive të burgut.

Të dënuarit e burgut të Drenovës më parë rrinin 4 të burgosur në një qeli.

Ndërkohë, Drejtoria e burgut ka vendosur të rrisë numrin në gjashtë të dënuar për qeli.

Të dënuarit të cilët kanë reaguar në burg po shoqërohen në dhomat e izolimit.

Sakaq janë izoluar katër të burgosurit e parë, që rezistuan për të mos lejuar mbipopullimin në qeli.

Të burgosurit i kanë bërë thirrje Avokatit të Popullit, nëpërmjet medias.

“Reagoni se po bëhet padrejtësi. Mbipopullimi, për më tepër kur edhe tamperaturat po rriten do ketë pasoja shëndetësore”.