Çfarë po ndodh në Nottingham? Një thriller i pazbardhur ende me 3 të vdekur

Autoritetet britanike janë alarmuar për një ngjarje e tmerrshme në Nottingham. Mediat britanike raportojnë tre vdekje dhe një arrestim.

Në lidhje me të arrestuarin, informacionet thonë se bëhet fjalë për një 31-vjeçar i cili është arrestuar për vrasje.

Sipas burimeve policore të cituara nga Sky News, telefonata e parë drejtuar autoriteteve është bërë në orën 4 të mëngjesit (koha e Britanisë së Madhe) në të cilën flitej për dy persona të vdekur në rrugë.

Më pas pati një telefonatë të dytë rreth një incidenti një kilometër larg në lidhje me një automjet që përpiqej të transportonte tre persona për në spital, ndërsa një person i tretë u gjet i vdekur aty pranë.

“Kjo është një ngjarje e tmerrshme, në të cilën humbën jetën tre persona. Besojmë se tre ngjarjet janë të lidhura dhe kemi bërë një arrestim. Hetimi është në fazat e para dhe oficerët po kërkojnë saktësisht se çfarë ka ndodhur”, tha një zëdhënës i policisë.

Ngjarja raportohet se ka ndodhur pranë qendrës së koncerteve të qytetit.